「寡佬K」

重有幾日就到聖誕節,自小學校都有教聖誕節係普天同慶的日子,但係都唔知點解已經被包裝成同情人一齊渡過的日子,而且跟住重有除夕元旦,農曆新年,元宵和重災區--情人節二月十四!!!

單身要過前幾關問題都不大,最慘係情人節,全世界一雙一對懲罰單身人士,所以有人十一月已經努力部署約會機會以防自己單身獨過上列一堆大日子.亦有人好似我咁要作出最壞打算,又單身過;上年都係單身(!!!)嘅我得到一眾單身友好合力砲製「寡佬K」,一班單身烏合之眾共同歡/愁/怨/怒渡情人節,係K房發洩兼打發情人節一晚,唔使收埋自己係屋企.

我為了要打發這將到的一天,我就向上年主辦「寡佬K」的朋友打探今年的情況, 對話內容如下:

我: 喂, 今年你重搞唔搞「寡佬K」啊?
友: 我搞咗三年衰足三年, 我 死都唔搞, 我同你講, 「寡佬K」好邪嫁, 根本就係一個詛咒!!
我: 無咁嚴重呀?
友: 我咁大個人辨你都唔信?!
我: 唉, 咁我嚟緊情人節點算?
友: 嗱, 你去參加"情人節食齋團"喇?
我: 吓, 咩有啲咁嘅嘢?
友: 咩無啊, 重有成十年歷史嫁喇!
我: 十年?! 咁有無人去足十年啊?
友: 有, 咪個搞手囉, 二十幾搞到三十幾歲, 齋足咁多年!
我: 嘩, 咁邪?!
友: 未算, 最邪係有年去到齋舖居然有情侶套餐, 咁先邪啊, 都唔知攞景定贈慶!
我: ......