2011年11月27日 星期日

「桓」音「媛」

小時候老師會教我們不可以字字不懂也有邊讀邊無邊讀缺,不知道正音應該去查字典或者請教老師,出來做事以後,我連家中現在還有沒有中文字典也不清楚,更不知那裏來一個老師給我請教。

最近學識了一個中文字發音,一直以為「桓」是發成「恒」音,多謝陳生馬生的祿山之爪,讓本週娛樂版記者工作充實,報章雜誌全盤佔據版面,當事人當然日日成為追訪對象,對我來說,最大得著就是學懂了「桓」字音「媛」。

這是我第一次不會一個字發音而還可以面不紅耳不熱,說實在還有些自豪。

2011年10月16日 星期日

跳槽 (二)

經過跟朋友們討論後, 我就決定聯絡獵頭公司, 抱住姑且一試的心態, 反正不見得人家一定會請, 先拿一下對方公司資料看看也沒有就大損失, 獵頭公司電郵了該公司的網站給我, 嘩, 完全聽都未聽過, 再問一下業界友人, 無人知曉, 心中就開始有一些疑慮, 加上該公司產品又不是我熟悉的, 再打一通電話跟獵頭公司問問, 想不到他們也很茫然, 唔.....

想想又不是非走不可, 從開始就不見得很有興趣, 最後放棄了, 開開心心過日子, 不用再庸人自擾!

2011年10月12日 星期三

2011年10月10日 星期一

跳槽

今年年初已有感歐美經濟走下坡, 因為我公司一直都是由3月起到9月都是旺季, 但今年訂單一直都未達往年之數, 而且銷售總額更是有明顯趺幅, 市道亦一如預期的差, 正當人心惶惶擔心公司栽員之際, 獵頭公司就打來, 老實說, 經過上一次轉工變失業的教訓, 真的算是學精了, 加上在這公司工作都稱得上得心應手, 本著一動倒不如一靜, 打算就此推辭.

可是人總是貪心, 原打算推掉時, 獵頭公司告之因為該公司開出了一個條件: 只想雇用曾經在某八間公司工作過的人, 而獵頭公司手上所有客戶中只得我是符合應聘條件, 更過份是, 開出的工資(未討價還價前), 月薪已經比我現在工資多一萬多元, 即時令我為之心動, 老實說, 就是經濟差, 現在工作的公司也不會向我開刀, 只是想到明年加薪幅度就一定不會高, 想到這裡, 心就冷了一截......

看官們, 你們有建議嗎?

2011年9月20日 星期二

有腦袋的人不用鋒芒畢露來告訴人家自己有多聰明,沒腦袋的人只會告訴人家自己聰明來引證自己的愚蠢。有腦袋的人只會擔心自己才疏學淺,沒腦袋的人只會抱怨自己懷才不遇。

2011年9月18日 星期日

我們有一雙手, 目的是要多做事少說話, 所以夢想是要付諸實行, 而不是要雙手抱胸只說不做坐享其成.

胸部是父母給的,胸襟是自己修來的!

2011年8月1日 星期一

兩週年

今日係我喺現職公司工作兩週年, 原本兩週年根本不值一晒, 只是現今在香港職場太多稀奇古怪之事, 能在一間公司安然棲身兩年, 都變得大事一件, 更重要是, 這代表炒你都有得賠, 你話幾重要?!

現職公司為一美資公司, 眾所周知現今美國公的經濟環境有多差, 所以公司不時有傳聞要栽員, 尚幸一直也沒有發生在本人工作之部門, 並且在年初時更增聘人手, 反之其他部門每季也有人事變動, 所以每每有同事在本公司工作超過兩年就必然會有人要慶祝.

原本我對能工作超過兩年是非常有信心, 不過今年美國經濟實在太差, 原本在每年上季都是我公司的旺季, 但今年一反常態, 訂單變少, 金額亦細了許多, 素來美資公司對栽員一向是手起刀落, 眼見生意淡薄, 眾人難免在猜測栽員正計劃中, 而一眾未足兩年的同事 (包括我) 難免暗自盤算自己的機會有多少, 今天順利過度兩年之期, 自當慶幸, 亦祝福其他同事早日完成兩年之期.

2011年7月11日 星期一

Google+

有Google,有gmail,有blogspot,宜家重有埋google+,同facebook火併,唔用過又點敢寫,我都估唔到咁快有人Invite我(睇下我幾潮!!),始終用慣facebook, 用google+的確係唔慣, 不過相信隨住佢嘅普及,我估大把google+達人出現, 咁你又幾時join啊?


2011年4月28日 星期四

春秋航空

足足一個無update個blog, 唔搵理由喇, 一個字--懶!

不過呢個月都有叫做去咗次旅行, 平平地去咗轉杭州, 係啊, 又係杭州啊! 其實我真係鍾意去杭州, 不過只可以春天同秋天, 夏天可以40度, 冬天又凍到會落雪, 呢d就咪搞我喇.

嗱, 今次都算係有好嘢介紹俾大家, 不過可能好多人都知, 我今次去杭州唔係直航香港飛去杭州, 因為一般直飛都要成兩千蚊港幣, 重未連稅喎, 至於深圳起飛去杭州呢? 其實人仔升值, 國內人收入增加, 大陸內陸機需求已經大大增加, 機票價錢已經升咗好多, 唔會再有以前咁, 門市價同折扣價有成50%差額; 結果我係搭春秋航空香港起飛去上海再陸路去杭州.

春秋航空大約喺世博前開始有香港直飛上海, 當時仲破天荒以港幣$99蚊直飛上海作招徠, 不過我一直唔敢搭, 亦唔信會有咁嘅可能, 不過由於都出現咗一段時間, 又無點聽到投訴, 亦有朋友試過, 咁正好又有朋友想去杭州, 結果就拍板成行.

訂春秋航空機票要用佢地網站, 選好起飛地點日期, 咁就會有機票報價, 我嘅經驗係越遲訂同遇到假期就越貴, 而永遠early bird都係有著數, 我自己就3月16日訂4月16日去4月19日返香港直航上海來回機票, 結果機票連稅及雜項, 共港幣$797! 真係單程深圳去上海都未必得啊!

2011年3月26日 星期六

成名在望演唱會


尋晚去咗Star Hall睇成名在望演唱會, 相信係唱片公司攪個演唱會搵一個帶兩個出嚟, 三個單位只係想睇丁噹, 其他兩個我真係唔識....

先出場係旺福樂團, 睇演唱會之前上過youtube睇佢地d歌, 有d爽快, 有d過癮, 點知現場見到, 幾騎呢下喎, 怪型怪相有盧廣仲在前, 所以唔可以以貌取人嘅, 不過睇完我都係唔識欣賞囉....

跟住出場係MP魔幻力量, 唔講歌, 先講外型, 攪咩呀?! 棒棒堂溝飛輪海, 身邊d小妹妹全部起哄, 大聲叫囂, 咩佢地咁紅咩? 到唱歌啦, 扮玩Rock, 但rocker無理由夾step嗰喎, 重成日擺出晒d以為好型手勢, 我就頂唔順喇, 不過現場d小妹妹就受晒囉.

之後重點嚟喇, 丁噹一出場就脫腳, 唔係佢走音, 係帶嚟嘅音響出問題, 成個rundown因為咁樣改晒, 即場改為即時決定唱咩歌, 好彩佢真係唱得, 歌藝彌補一切, 首本嘅我愛他, 你為什麼說謊呢, 花火, 夜貓, 一半, 冷血動物, 猜不透, 我愛上的全部都有唱, 而且無欺場扮喊扮笑遞咪呢d衰嘢, 晒唱功顯實力, 其中佢唱到我是一隻小小鳥, 我就想到這樣的高音算不算太高!?

2011年3月4日 星期五

多謝晒!!

近日全城熱話自然就係財爺開糧倉, 每人獲分發六千大元現金, 我雖然唔認同佢呢個做法係一個德政, 反正唔會因為我持相反意見就會有咩改變, 而且自己都係其中一個獲益者, 不如想想點用筆錢好過.

早喺不足一個月前收到電郵通知中獎, 其實自小都有中獎命, 不過從來都係小優小惠, 六合彩頭獎從來唔到我份, 但碎濕濕獎就成日中, 戲飛, 禮卷不時都會有, 加上有時朋友送來的戲飛, 演唱會飛, 加加埋埋年中都慳唔少, 不過呢一次就特別少少, 因為呢次係酒店住宿卷.

事源係上年我同朋友喺Cathay Promotion時買咗特價機票去Bangkok, 因為唔係Package咁買, 所以只好自己分開再訂酒店, 當時請教過唔少朋友意見, 當中大部份提議嘅酒店都係超出預算, 結果神推鬼拱就係Facebook廣告度訂咗Novotel Bangkok Fenix Silom, 原因: 一, 佢真係平, 平均港幣五百蚊一晚, 二, Novotel始終係國際連鎖酒店, 自從北上工作機會日多, 住過國營同外資連銷酒店後, 你自然會知國際連鎖酒店真係有質素保證, 相同嘅道理都可以應用喺泰國曼谷之上, 三, 佢係新酒店, 起碼唔會殘殘舊舊先, 果然上次經驗亦都無令我失望, 其實重算好滿意添.

當時網上預訂房間之外, 佢重有個網上遊戲玩, 順便玩埋, 根本無諗過會贏, 甚至已經忘記得一乾二淨, 偏偏人地又咁均真, 收到電郵, 中咗其中一個獎, 獎品係三日兩夜酒店包食宿, 嘩, 家下財爺又派錢, 咁今年都好難唔去多轉泰國啦!

2011年2月23日 星期三

給阿美姐的祝福


許純美暫別幕前1年半 憔悴現身就醫

阿美姐, 妳一定要早日康復, 妳還要學佛, 穿馬靴, 去高島屋百貨買LV包包和藍色睫毛液, 去喝咖啡, 你還要上康熙.....

2011年1月12日 星期三

最近看過...

最近看了幾套電影, 係咁嘅...
最失望是《小人國大歷險》, 睇守完真係想小
最開心是"The kids are alright" 《非親密關係》, 有料到, 好幽默
最估到是"Megamind" 《毛百萬》
最突兀是"Love and Other Drugs" 《愛情戀上癮》, chick flick玩深情, 麻麻....