更新

一入到嚟, 一定見到版面改晒, 係, 改一改睇下個人又會唔會有唔同.

朋友力姬終於開卜, 呢啲番書仔女邊會識中文輸入法, 結果就係買個手寫板逐粒逐粒字寫, 我就睇下佢心機有幾耐, 會寫幾多篇.

之前舊版面係我好鍾意嘅電影藍色大門海報做標題背景, 今次都係一部我好鍾意嘅電影St Elmo's Fire劇照做標題背景, 我重追加埋佢首主題音樂做背景音樂, 感覺更統一. 呢部電影我都係電視播先有機會睇, 不過後來都有買番收藏, soundtrack都買埋添, 電影其實圍繞7個大學畢業生離開大學之後嘅人生, 有人平步青雲, 有人一事無成, 有人努力堅持追求自己理由, 有人對人生迷失, 各有各的人生, 亦各有各的問題, 我看這電影時, 我還是一個學生, 對人生充滿希望, 現在呢? 唉......