個個人都會係第二個人個EX

"個個人都會係第二個人個EX"係之前文章入面的句子, 亦係自己的經驗, 我慶幸身邊朋友無例外的例子, 三十多歲的人生, 如果真的從來無拍過拖, 想起都驚啦, 而且密密換畫就大把, 無拍過拖嘅聖女就真係無識過, 可能我人緣差又識得人少啦.

事出必有因, 否則唔會無端端提起, 事緣最近經朋友介紹認識了一位新朋友, 原來該位新朋友乃是朋友K的舊情人, 一向都抱住"個個人都會係第二個人個EX"心態的我, 既然他們在一起的日子我沒有參與到, 現在己分開我就更不會多理, 可是當這位新友人得知我跟K是朋友後, 他就不時有意無意提到友人K. 我一直認為跟如何跟人談論舊人是一門學問, 所謂分手無惡言, 又不是誰騙了誰, 人都這麼大了, 還需要扯爛塊面去互數不是嗎? 偏偏人家就是不懂這道理, 三不五時跟你來提, 真的是"關我蛋治?!"

最叫我不爽是這位新朋友跟我提到友人K跟他分手以後, 有好一段時間友人K過得並不好, 獨自買醉, 淚洒人前, 又宣稱自己是友人K的最愛, 分手對對方打擊很大云云, 更甚是把性生活的不協調列為分手原因等, 我聽後更對這位新友人很反感, 既然大家都是認真過, 分手後的尊重怎說都應該有, 畢竟是一場相遇相知相愛, 舊愛過不好你會過意得去嗎? 隨便拿來炫耀又是那門子的道理? 倘若友人K真的把他當成一生中最愛, 我只有替友人K感到不值, 一個能隨便拿你過去認真的一段感情來炫耀的人, 怎說也是痴心錯付, 能隨便拿最私密的性生活跟新相識的人來解說成分手理由, 怎說也是不尊重, 人貴自知, 連這種做人基本禮儀都不懂, 這位新友人的人格有多好, 相信大家心中有數吧....

給自己的歌

有多久沒有聽過他有新歌? 我以為他不會再有作品了, 想不到沒有期望之下就來了要細細咀嚼歌詞的新歌--給自己的歌



給自己的歌

想得卻不可得 你奈人生何
該捨的捨不得 只顧著跟往事瞎扯
等你發現時間是賊了 它早已偷光你的選擇
愛戀不過是一場高燒 思念是緊跟著的 好不了的咳

是不能原諒 卻無法阻擋 恨意在夜裡翻牆
是空空蕩蕩 卻嗡嗡作響 誰在你心裡放冷槍
舊愛的誓言像極了一個巴掌 每當你記起一句就捱一個耳光
然後好幾年都聞不得問不得女人香

往事並不如煙 是的 在愛裡念舊也不算美德
可惜戀愛不像寫歌 再認真也成不了風格
我問你見過思念放過誰呢? 不管你是累犯或是從無前科
我認識的只有那合久的分了 沒見過分久的合

歲月 你別催 該來的我不推 該還的還該給的我給
歲月 你別催 走遠的我不追 我不過是想弄清原委

誰能告訴我這是什麼呢?
她的愛 在心裡 埋葬了 抹平了 幾年了 仍有餘威

是不能原諒 卻無法阻擋 愛意在夜裡翻牆
是空空蕩蕩 卻嗡嗡作響 誰在你心裡放冷槍
舊愛的誓言像極了一個巴掌 每當你記起一句就捱一個耳光
然後好幾年都聞不得問不得女人香
然後好幾年都聞不得問不得女人香

想得卻不可得 你奈人生何
想得卻不可得 情愛裡無智者


我一直是李宗盛的粉絲, 愛他對感情看法的透徹, 其實他的作品數量一直不算十分多, 只是流行度高, 想想有多少首熱唱金曲是出自他的手筆, 想想有多少失眠的晚上是由他的歌曲陪伴, 想想有多少失落的時侯用他的歌曲慰藉, 就知道他有多成功, 最想不通是麻甩佬外表包藏著心細如塵的心思想法, 不要以為他只是一味的怨怨怨, 他有很多怨西以外的選擇, 如果他再辦個人演唱會, 希望他會唱這一首...

夜店中的對話

E: 咦, 頭先同嗰件傾咁耐, 有咩咁好傾?
S: 無, 佢係K個EX, 好耐無見, 幾好人嫁, 咁介紹完你地又唔係好理人咁, 我咪招呼下佢囉.
E: 無啦啦咁好死, 想溝人啊?
S: K個EX嚟嫁, 咪玩啦.
E: 個個人都會係第二個人個EX嫁啦.
S: 枉你放洋歸來, 週遊列國, 咩你諗嘢咁港式嫁, 好傾就要溝, 咁一曰廿四小時都唔夠使啦. 你啲想法就要改啦, 好傾就話溝, 望你兩眼就話人睇上你, 有共同話題就話要拍拖, 你咪咁港女公主病上身先得嫁.
E: 超, 你唔抵得我靚多人望啊?!
S: 你唔望人又點知人望你啊, 小姐? 我唔抵得你郁d就咁敏感, 成日自以為是將一己想法無限放大咋, 成日是又當非, 一又當零, Relax D 啦, 香港人...

禁慾

N: SunSun, 我要開始禁慾!
S: 吓, 禁慾?!
N: 係, 堅係!
S: 咪住, 你呢D番書妹知唔知咩係禁慾啊?
N: 知, 禁慾咪唔再卜嘢囉.
S: 係囉, 咁你有幾耐無卜嘢?
N: 年幾囉, 你知我上次分手到宜家都無卜過嘢嫁.
S: 咪係囉, 你根本SET咗禁慾個AUTO MODE喇, 而且呢家嘢唔使登報宣傳, 你又無仔, 用自尉器唔計數嫁.
N: 妖!
S: 係呢, 你無喇喇禁咩慾啊?
N: 成日去蒲都食炸糊, 咪索性禁慾唔蒲囉.
S: 哦, 咁咪靜一排, 西痕先再出嚟蒲囉. 不過唔包到時你又唔食白果, 嗰時西又痕西又癢, 鬼可憐你.
N: DLS!
S: 重有, 以鬼妹計, 你咁耐無卜嘢, 處女膜應該已經自動埋口, 你可以以處女姿態威震娛樂圈啦!
N: 你唔好去死!
S: 咪話我唔教精你, 禁慾之前要先有一段濫用階段, 先至會被禁嫁, 好似D人濫用軟性毒品咁, 咁先會有禁毒嘅出現, 咁你其實濫交咗幾耐啫?
N: DLS x 100次

本篇純屬虛構, 風格仿傚壹仔東方太陽, 切勿對號入坐!

回家

能夠做的, 可以做的, 都已經做了.

得到的, 失去的, 今日看到, 未來亦會有公論.

塵埃已落定, 亦一如預料, 失敗又不是第一次, 中山先生革命也不是一次就成功, 明日開天闢地還是會放在明日的主人翁手上.

記住那些是牛鬼蛇神, 記住那些是牆上野草, 記住那些是敢作敢為. 記住記住...

回家不等於失敗, 只是一個階段的完結, 未來的成功就是由一個一個完結的階段來組成.

金花夫人廟 (六)

無厘喇更, 做咩又整個金花夫人系列六出嚟, 咪就係過咗去嘅星期日, 一眾善男信女去咗還神, 記住有求就有還, 就算求嘅嘢無出現, 都唔等於可以唔還神. 唔做得咁勢利嫁. 一場去到, 順個便沿途影相做記認, 要去嘅朋友好看圖索引喇.

先喺荃灣地鐵站向緣楊坊出口, 小巴總站搭96號小巴.





小巴去到青龍頭總站落車就見到, 非常易去.







祝各位有求必應!

十月圍城

多謝友人Joeanna的電影首映門票, 昨晚有幸看到了劇力萬鈞(好老土, 不過真嘅!!)的<十月圍城>. 首先電影安排在尖沙咀尚未正式開業的iSQUARE7樓的UA IMAX影院, 印象中旺角百老匯戲院令我最反感的就是那一條又一條的自動扶手電梯, 想不到昨晚在iSQUARE中最煩擾的事又再次發生, 希望是因為商場未正式營業才有這問題吧.

由於電影尚未上畫, 我不希望有人因看到我部落格的內容涉及電影情節已影響入場意欲, 故我不打算詳談內容, 我只就演員演出來評價, 從電影海報來看, 我以為是以甄子丹和黎明做主角, 實質佔戲份最重亦最有表現的其實是王學圻, 我要找回他以前在黃土地及陽光燦爛的日子來重溫, 他的演出實在太精彩了. 還有演他兒子的王柏傑 (原來他也在九降風中有份演出, 重幾靚仔tim)也沒有在眾多大明星前有失色表現, 一向也不喜歡全宇宙最好打的甄子丹, 但幸好導演把自戀的他壓制得很好, 好像很久沒有看過謝霆峰演戲, 今次他的角色對他來說算是比較少有, 而全套電影最失色就是黎生了……

我看這部電影有被感動到, 是電影真的令人看得血脈沸騰, 還是我仍然滿腔熱血?

金花夫人廟 (五)

其實唔係我唔想講地址, 實情我都無一個詳細地址, 又唔係要FedEx嘢比金花夫人, 我識點去咪得囉, 不過既然有人問, 又係自己提起, 只好用google search 啦, 結果地址如下:-

白沙灣金花夫人廟

地址：荃灣青山道青龍頭段白沙灣。

不過求神年頭求, 年尾要還, 相信好快一眾友人又要去一趟, 到時再試下影番幾張相post出嚟方便大家啦.

金花夫人廟 (四)

病咗幾日, 終於可以繼續金花夫人廟的神跡.

同行友人還有FoxyNicki, Foxy自從上年失戀之後, 一直無發市, 任憑佢多積極, 多努力, 一切都好似徒然. 雖則Foxy在朋友圈中是出名的”荀”盤, 可能有人會問佢有幾”荀”, 當然要舉例證明, 當日去到金花夫人廟, 我地一班年青信眾, 點會識得各式步驟, 幸好有廟祝在場, 詢問我地同各人所求,然後教我地全個程序, 當全部程序辦妥, 廟祝就將Foxy拉到一邊, 同佢講: 我地呢度好多單身男女嚟求恩緣嫁, 不如你俾低你個電話我, 我見到d唔錯嘅就介紹俾你啦! 由此可見, Foxy真係樣靚身材正嫁.

Foxy亦都係眾人中最認真求神打救, 但偏偏愛神就好似大近視無戴眼鏡般, 箭箭都失誤. 所以Foxy每每向人抱怨友人B跟蕭開開把3人合買的奉神香座霸佔, 使得自己現在仍然孑然一身, 門可羅雀, 無人問津, 正當心灰意冷之時, 金花夫人又再顯靈, 居然在Foxy朋友活動中遇上同是天涯淪落人, 星期五識, 星期六重遇, 星期日睇戲, 快上殺入大直路如入無人之境, 後發隨時先至, 金花夫人廟神通廣大, 一年之內, 梅開三度, 又怎可以不稱為不可思譏之真人真事.

金花夫人廟 (三)

同行友人中, 除了友人B之外, 還有友人蕭開開, 記性不差的朋友可能對他有些印象, 因他也是本部落格的常客, 實在發生在他身上太多奇/畸情事.

蕭開開今年可能流年不利, 工作運奇差, 年初公司結業, 然後找到新的工作又做不長, 心情差之餘索性去了放逐之旅, 至於感情方面, 雖則心口一向掛勇字, 但有勇無謀又怎能在感情之戰場上百戰百勝?! 混身傷痕倒躲不了.

簡單列舉一下他今年戰績, 年頭美國網上情緣其實稱不上, 疑似同志的表哥已算胎死腹中, 但最奇情的莫如上海舊同事的示愛之旅. 話說蕭在新工作試用期未過之時已經把不合的工作辭去, 職場不順景在這一年多次發生, 情場上卻峰迴路轉, 正是剛剛遇上碰巧, 這時他在舊公司的一位同事突然向她示愛, 反正當時正閒著無聊, 姑且上上海一趟看看雙方的發展機會.

以平常TVB劇集質素, 故事應該在這裡大團圓結局, 可惜我這位奇情友人那有這麼平淡就把故事完結, 事情是兩人在上海約會, 但在港長大放洋歸來的蕭跟在國內上海工作的這位舊同事跟本志趣各走極端, 莫說是情侶交往, 連做朋友溝通都有問題, 小如街頭小食, 兩人都可以針鋒相對, 街上牽手亦各持己見, 短短半天約會已令蕭仿如受難, 更不用想兩人如何再多走一步.

約會完結回上海落腳地後, 蕭心情極差, 想在網上找友人渲洩, 如是者網聊至深宵, 一位在寧波工作的香港網友之前已多次邀約無奈每每失之交臂無法碰面, 兩人在網上聊得正興起, 對方突然問到如果他現在 (當時大約是深宵3點!!) 駒車到訪, 他會否心情好轉, 蕭心想又不是在香港, 寧波到上海2,3小時是少不了的, 那有這種傻人做傻事, 故隨便的回應, 想不到對方居然叫他現在先稍為休息, 到了再致電給他, 蕭心想雖然也好奇, 但總不可能, 沒多想便上床睡覺.

大約6時, 蕭居然收到了一通短訊, 內容是對方已到了上海, 並問他如何可到其所處位置, 乖乖不得了, 蕭立時起床便衣, 比早餐更早的約會開始, 亦是蕭的新戀情的開始. 現在蕭忙於為每月的愛情約會之旅忙碌, 週旋於香港深圳廣州上海寧波穿梭, 又一次顯現金花夫人廟的法力無邊.