新工作

新工作開展了大約一個月, 到現在回看, 自己其實是由一接受那一刻開始已覺得不適合, 但問遍所有朋友無不舉腳贊成, 大概都是說市道差, 唔知幾時先有第二個 offer. 做住再騎牛搵馬喇.

有時人都幾無奈, 係咪無第二個人出現, 咁又要接受同一個唔中意嘅人一齊直到啱嘅出現就起飛腳? 你又點知自己唔係人地嘅牛而係馬, 到時人地又起你飛腳又點算?

我唔係明星, 唔會每次拍拖,分手就會有報紙幫我出份關係圖嚟remind我往積紀錄, 但身邊朋友又點會唔心中有數, 工作就更加有履歷表清楚列明, 我唔想我份履歷花晒, 更唔想我朋友看到我拍拖,分手時心中湧現的OS是飽歷滄桑, 閱人無數等評價.

現在工作我還是會努力, 希望在試用期前有決定, 至於感情......