我從來都唔係日劇迷, 一直都停留十幾年前Love Generation, Long Vacation Level, 加上喺日本仔公司工作幾年, 受過佢地氣, 從前無特別哈日, 經過那幾年折騰, 更加是植根反日情緒, 差d要參加遊行保釣反日, 日本電影呢? 對上睇嗰套係禮儀師, 都大年半啦, 星期一晚友人Joeanna有飛睇<告白>, 松隆子喎, 下? 佢唔係已經摺咗咩? 原來松隆子不單無摺, 重憑本片又攞獎, 又升呢成為演技派演員!
講番套戲, 松隆子的確做得好, 重有別佢一般演開嘅角色, 深沉冷漠, 工於心計佈局報仇, 佢的確掌握得好, 唯一是戲份不足, 同時片中一班少年亦演得出色, 而且亦令人心寒, 睇完之後, 第一個感覺係現代人物質豐富, 但心靈空虛, 情況不單是發生在大人身上, 連中學生一樣會遇到, 而且佢地對成人社會一知半解, 結果禍闖了出來又不懂收拾, 又有大人去包庇, 令小伙子們失去反省機會, 越踩越深到不能補救......
一向不交代故事內容, 今次也不例外, 但高度推薦要去看, 不過建議入埸前要有充足睡眠, 因為本片文場比較多, 而且枝節要清楚.
3 則留言:
好似好恐佈喎，係咪架？
sun sun兄咁快睇咗, 我都等呢套等咗半年, 一定會睇。
你反日, 咁睇咗陳真未?
Naruto: 係血腥, 因為有好幾場戲導演將血漿當茄汁用, 其實我唔覺得恐怖, 但我堅覺得心寒, 如果你有睇過的話, 兩套戲結局嗰種心寒係一樣.
瘋Go: 我成日有朋友江湖救急醒飛過我享受下入場觀影嘅感受啫, 如果唔係都無咁快睇到, 我睇完都贊成一定要睇. 我可能當咗宇宙最強係日本人, 我唔多想睇甄生.
張貼留言