2010年1月27日 星期三

夜店中的對話

E: 咦, 頭先同嗰件傾咁耐, 有咩咁好傾?
S: 無, 佢係K個EX, 好耐無見, 幾好人嫁, 咁介紹完你地又唔係好理人咁, 我咪招呼下佢囉.
E: 無啦啦咁好死, 想溝人啊?
S: K個EX嚟嫁, 咪玩啦.
E: 個個人都會係第二個人個EX嫁啦.
S: 枉你放洋歸來, 週遊列國, 咩你諗嘢咁港式嫁, 好傾就要溝, 咁一曰廿四小時都唔夠使啦. 你啲想法就要改啦, 好傾就話溝, 望你兩眼就話人睇上你, 有共同話題就話要拍拖, 你咪咁港女公主病上身先得嫁.
E: 超, 你唔抵得我靚多人望啊?!
S: 你唔望人又點知人望你啊, 小姐? 我唔抵得你郁d就咁敏感, 成日自以為是將一己想法無限放大咋, 成日是又當非, 一又當零, Relax D 啦, 香港人...

2010年1月24日 星期日

禁慾

N: SunSun, 我要開始禁慾!
S: 吓, 禁慾?!
N: 係, 堅係!
S: 咪住, 你呢D番書妹知唔知咩係禁慾啊?
N: 知, 禁慾咪唔再卜嘢囉.
S: 係囉, 咁你有幾耐無卜嘢?
N: 年幾囉, 你知我上次分手到宜家都無卜過嘢嫁.
S: 咪係囉, 你根本SET咗禁慾個AUTO MODE喇, 而且呢家嘢唔使登報宣傳, 你又無仔, 用自尉器唔計數嫁.
N: 妖!
S: 係呢, 你無喇喇禁咩慾啊?
N: 成日去蒲都食炸糊, 咪索性禁慾唔蒲囉.
S: 哦, 咁咪靜一排, 西痕先再出嚟蒲囉. 不過唔包到時你又唔食白果, 嗰時西又痕西又癢, 鬼可憐你.
N: DLS!
S: 重有, 以鬼妹計, 你咁耐無卜嘢, 處女膜應該已經自動埋口, 你可以以處女姿態威震娛樂圈啦!
N: 你唔好去死!
S: 咪話我唔教精你, 禁慾之前要先有一段濫用階段, 先至會被禁嫁, 好似D人濫用軟性毒品咁, 咁先會有禁毒嘅出現, 咁你其實濫交咗幾耐啫?
N: DLS x 100次

本篇純屬虛構, 風格仿傚壹仔東方太陽, 切勿對號入坐!

2010年1月17日 星期日

回家

能夠做的, 可以做的, 都已經做了.

得到的, 失去的, 今日看到, 未來亦會有公論.

塵埃已落定, 亦一如預料, 失敗又不是第一次, 中山先生革命也不是一次就成功, 明日開天闢地還是會放在明日的主人翁手上.

記住那些是牛鬼蛇神, 記住那些是牆上野草, 記住那些是敢作敢為. 記住記住...

回家不等於失敗, 只是一個階段的完結, 未來的成功就是由一個一個完結的階段來組成.

2010年1月14日 星期四

金花夫人廟 (六)

無厘喇更, 做咩又整個金花夫人系列六出嚟, 咪就係過咗去嘅星期日, 一眾善男信女去咗還神, 記住有求就有還, 就算求嘅嘢無出現, 都唔等於可以唔還神. 唔做得咁勢利嫁. 一場去到, 順個便沿途影相做記認, 要去嘅朋友好看圖索引喇.

先喺荃灣地鐵站向緣楊坊出口, 小巴總站搭96號小巴.





小巴去到青龍頭總站落車就見到, 非常易去.







祝各位有求必應!